ரயில்வே பணி வாய்ப்பு

பல ஆண்டுகளாக வேலை தேடுவோரின் கனவாக இருந்து வரும் ரயில்வே பணி வாய்ப்பு அறிவிக்கப் பட்டுள்ளது. மத்திய அரசுப் பணி வாய்ப்பாக இருப்பதால் இந்த பணி இடங்களுக்கு கடும் போட்டி இருக்கும் என்பதில் சந்தேகமில்லை.
பணியிட விபரங்கள்:
கமர்ஷியல் அப்ரெண்டிஸ் - 703
டிராபிக் அப்ரெண்டிஸ் - 1645
ரிசர்வேஷன் கிளார்க் - 127
குட்ஸ் கிளார்க் - 7591
ஜூனியர் அக்கவுண்ட்ஸ் கிளார்க் மற்றும் டைபிஸ்ட் - 1205
சீனியர் கிளார்க் மற்றும் டைபிஸ்ட் - 869
அசிஸ்டன்ட் ஸ்டேஷன் மாஸ்டர் - 5942
டிராபிக் அசிஸ்டன்ட் - 166
சீனியர் டைம் கீப்பர் - 4

பணியிடங்கள் உள்ள ரயில்வே போர்டுகள்
சென்னை - 876
பெங்களூரு - 610
திருவனந்தபுரம் - 488 மற்றும் - 18 பிற ரயில்வே போர்டுகளில் இந்த பணியிடங்கள் உள்ளன.
தகுதிகள்:
வயது: 1.1.2016 அன்று 18 முதல் 32 வயதுக்குள் இருக்க வேண்டும். பணியைப் பொறுத்து வயது தகுதி இருப்பதால் விரிவான தகவலுக்கு விளம்பரத்தை பார்த்துக் கொள்ளவும். வழக்கமான வயது வரம்பு தளர்வு ஓ.பி.சி., மற்றும் எஸ்.சி., எஸ்.டி., பிரிவினருக்கு உண்டு.
கல்வி: பொதுவாக இந்தப் பணியிடங்களுக்கான அடிப்படைத் தகுதி பட்டப் படிப்பாகும். எனினும் தட்டச்சு மற்றும் கம்ப்யூட்டர் தொடர்பான பணிகளுக்கு கூடுதலாக இவற்றிலும் தகுதி மற்றும் திறன் பெற்றிருக்க வேண்டும்.
தேர்வு செய்யப்படும் முறை: இந்தப் பணியிடங்கள் கம்ப்யூட்டர் அடிப்படையிலான திறன், திறனறித் தேர்வு, தட்டச்சுத் தேர்வு போன்றவை மூலம் சரியான நபர்கள் தேர்வு செய்யப் பட்டு நிரப்பப்படும்.
விண்ணப்பக் கட்டணம்: ரூ.100ஐ விண்ணப்பக் கட்டணமாக செலுத்த வேண்டும். கம்ப்யூட்டர் மயமாக்கப்பட்ட தபால் அலுவலகம், ஸ்டேட் பேங்க் ஆப் இந்தியா, டெபிட் கார்ட் மற்றும் இன்டர்நெட் பாங்கிங் மூலமாக செலுத்தப் படவேண்டும். எஸ். சி., எஸ்., டி., மற்றும் குறிப்பிட்ட சில பிரிவினருக்குக் கட்டணம் கிடையாது.
விண்ணப்பிக்கும் முறை: இந்த பணியிடங்களுக்கு ஆன் லைன் மூலமாக மட்டுமே விண்ணப்பிக்க முடியும். ஆர் ஆர் பி இணய தளம் மூலமாக விண்ணப்பிக்க வேண்டும்.
எழுத்துத் தேர்வு நடைபெறும் காலம்: 2016 மார்ச் முதல் மே மாதத்திற்குள்
விண்ணப்பிக்கக் கடைசி நாள்: 26.01.2016
தமிழக பணியிடங்களுக்கு விண்ணப்பிக்க வேண்டியஇணைய தள முகவரி: www.rrbchennai.com
முக்கியக் குறிப்புகள்: தமிழ் நாட்டில் 17 மையங்களில் இந்தத் தேர்வு நடத்தப்படும். ஒருவர் 5 மையங்களை தேர்வு செய்து கொள்ளலாம்.
இந்த தேர்வு முறையானது நாடெங்கும் பட்டப் படிப்பு முடித்தவருக்கு நடத்தப்படும் தேர்வு முறையாகும் இணையதளத்தில் ஆன் லைன் விண்ணப்பம் என்னும் லிங்கில் கிளிக் செய்து உள்ளே செல்ல வேண்டும். பின்பு நியூ ரெஜிஸ்டிரெஷன் என்னும் லிங்க்கிற்கு சென்றும் விண்ணப்பிக்க வேண்டும். விண்ணப்பித்த பின் மாற்றங்களை செய்து கொள்ளவும் முடியும். எனினும் இதற்கு 100 ரூபாய் கூடுதல் கட்டணம் செலுத்த வேண்டும். முழு விபரங்களையும் ரயில்வேயின் வேலை விளம்பர அறிவிப்பில் பார்த்துக் கொள்ளவும்.