(IBBS)ஐ.பி.பி.எஸ்., நடத்தும் வங்கி சிறப்பு அதிகாரிகள் தேர்வு

இந்தியன் பேங்கிங் பெர்சானல் செலக்சன் எனப்படும் ஐ.பி.பி.எஸ்., அமைப்பு கடந்த சில வருடங்களாக பொதுத்துறை வங்கிகளில் உருவாகும் காலிப் பணியிடங்களை பொது எழுத்துத் தேர்வு மற்றும் பொது நேர்காணல்கள் நடத்தி அதன் மூலம் நிரப்பி வருவது நாம் அறிந்ததே. இந்த அமைப்பின் சார்பாக தற்போது வங்கிகளில் காலியாகும் ஸ்பெஷலிஸ்ட் ஆபிசர்ஸ் பதவிகளுக்கான பொது எழுத்துத் தேர்வுகளுக்கான அறிவிப்பு வெளியிடப்பட்டுள்ளது.
என்னென்ன பிரிவுகள்: ஐ.டி., ஆபிசர், அக்ரிகல்சுரல் பீல்டு ஆபிசர், ராஜ்பாஷா அதிகாரி, லா ஆபிசர், எச்.ஆர்.,/பெர்சானல் ஆபிசர், மார்க்கெட்டிங் ஆபிசர் போன்ற பிரிவுகள்தான் அவை.
வயது: 01.11.2015 அடிப்படையில் விண்ணப்பதாரர்கள் 20 வயது நிரம்பியவராகவும், 30 வயதுக்கு உட்பட்டவராகவும் இருக்க வேண்டும். அதாவது 02.11.1985க்கு பின்னரும், 01.11.1995க்கு முன்னரும் பிறந்தவர்கள் இந்தப் பணியிடங்களுக்கு விண்ணப்பிக்க முடியும்.
கல்வித் தகுதி: ஐ.டி., ஆபிசர் பதவிக்கு விண்ணப்பிப்பவர்கள் கம்ப்யூட்டர் சயின்ஸ், கம்ப்யூட்டர் அப்ளிகேஷன்ஸ், இன்பர்மேஷன் டெக்னாலஜி, எலக்ட்ரானிக்ஸ், எலக்ட்ரானிக்ஸ் அண்டு கம்யூனிகேஷன், எலக்ட்ரானிக்ஸ் அண்டு டெலிகம்யூனிகேஷன், எலக்ட்ரானிக்ஸ் அண்டு இன்ஸ்ட்ரூமெண்டேஷன் ஆகிய ஏதாவது ஒரு பிரிவில் நான்கு வருட இன்ஜினியரிங் பட்டப் படிப்பையோ அல்லது இதே பிரிவுகளில் முது நிலைப் பட்டப் படிப்பையோ அல்லது பட்டப் படிப்புடன் டி.ஓ.இ.ஏ.சி.சி., யின் 'பி' அளவிலான தகுதியோ பெற்றிருக்க வேண்டும்.
அக்ரிகல்சர் பீல்டு ஆபிசர் பதவிக்கு விண்ணப்பிப்பவர்கள் அக்ரிகல்சர், ஹார்டிகல்சர், அனிமல் ஹஸ்பென்டரி, வெர்டினரி சயின்ஸ், டய்ரி சயின்ஸ், அக்ரி இன்ஜினியரிங், அக்ரி மார்கெடிங், அக்ரோ பாரஸ்ட்ரி போன்றவற்றில் பட்டப் படிப்பு முடித்திருக்க வேண்டும்.
ராஜ்பாஷா அதிகாரி பதவிக்கு இந்தியில் பட்டப் படிப்பு தேவைப்படும். லா ஆபிசர் பதவிக்கு விண்ணப்பிக்க எல்.எல்.பி., முடித்திருப்பதோடு பார்கவுன்சிலில் பதிந்திருப்பதும் தேவை. எச்.ஆர்., பெர்சானல் ஆபிசர் பதவிக்கு விண்ணப்பிக்க பெர்சானல் மேனேஜ்மெண்ட், இன்டஸ்ட்ரியல் ரிலேஷன்ஸ், எச்.ஆர்., எச்.ஆர்.டி., சோசியல் ஒர்க், லேபர் லா போன்றவற்றில் முது நிலைப் பட்டப் படிப்பு அல்லது முது நிலை டிப்ளமோ தேவை. மார்க்கெடிங் பிரிவுக்கு விண்ணப்பிக்க இதே போல் மார்கெடிங் மேனேஜ்மெண்ட் பிரிவில் முது நிலை பட்டம் அல்லது முது நிலை டிப்ளமோ படிப்பு தேவை. ஐ.டி., ஆபிசர் தவிர ஏனைய பதவிகளுக்கு விண்ணப்பிப்பவர்களுக்கு கம்ப்யூட்டர் தொடர்புடைய தகுதி கூடுதலாகத் தேவைப்படும். ஐ.பி.பி.எஸ்., சின் மேற்கண்ட எழுத்துத் தேர்வை தமிழ் நாட்டில் சென்னை, மதுரை, கோவை, திருச்சி, திரு நெல்வேலி ஆகிய ஏதாவது ஒரு மையத்தில் எதிர்கொள்ளலாம்.
விண்ணப்பக் கட்டணம்: ரூ.600/-ஐ இந்த தேர்வுக்கான கட்டணமாக செலுத்த வேண்டியிருக்கும்.
விண்ணப்பிக்கும் முறை: ஆன்-லைன் முறையில் விண்ணப்பங்களைப் பதிவு செய்ய வேண்டும்.
விண்ணப்பிக்க இறுதி நாள்: 10.12.2015
இணையதள முகவரி: http://www.ibps.in/